أيها الليبانيز بيبول العظماء!

طيب.. تعو يا خيي نتذكر، حلو الواحد هيك على الساعة 1 ونص بعد نص الليل يقعد يتذكر، بتذكرو وقت كان سعر دقيقة الخليوي (اليونيت) 47 سنت؟ وبتذكرو وقتا كيف كان النظام؟ يعني بتشتري دولارات بأغلى من سعرها الحقيقي، (حق الإيام) وإيام الإنتظار بتمنعك الشركة تدق ولو معك 1000 دولار بتلفونك؟؟ بعرف نسيتو، وهيدي عادتكن ما رح تغيروها... بعد شهر رح يصير عنا إنترنت أحسن بكتير، ورح تنسو مين اشتغل عليه وحارب وتعرض لهجوم، وبعد فترة رح تصير تجي الكهرباء بكل لبنان 24 على 24، وبعرف رح تنسو شو يعني شمعة، وبعد شوي رح تنسو بس يتم تصحيح سلسلة الرتب والرواتب وتصحيح الأجور... رح تنسو إنو سنين انلعنت أعصابكن بمشاريع سرقة وهدر وفساد، ورح تسخفو خطة شربل نحاس، بتعرفو، لإنكن بتنسو الإنجاز والسرقة، بتستاهلو... مش الكهرباء، بتستاهلو يرجع يحكمكن واحد متل مروان حمادة ومعلمو وأحمد فتفت ومعلمو فؤاد السنيورة والمقبور رفيق الحريري ومعلمو...